Saud Usmani

mata-e-harf bhi KHushbu ke ma-siwa kya hai

Saud Usmani

1958

matā-e-harf bhī ḳhushbū ke mā-sivā kyā hai

havā ke ruḳh pe na jā.ūñ to rāstā kyā hai

maiñ zard biij huuñ aur sabz honā chāhtā huuñ

mirī zamīñ tirī miTTī mashvara kyā hai

ye merī kāġhzī kashtī hai aur ye maiñ huuñ

ḳhabar nahīñ ki samundar faisla kyā hai

bikhar rahā huuñ tirī tarah maiñ bhī ai zar-e-gul

so tujh se pūchhtā huuñ terā tajraba kyā hai

Top Urdushayar.com