ab sochtā huuñ jā.ūñ to jā.ūñ kidhar ko maiñ
ai kaash chhoḌtā na tirī rahguzar ko maiñ
dil ġham kā aa.ina hai nazar dil kā aa.ina
kaise chhupā.ūñ soz-e-nihāñ ke asar ko maiñ
aalam tamām ek fareb-e-nigāh hai
ab kyā dikhā.ūñ chashm-e-haqīqat-nigar ko maiñ
mad.hoshiyoñ meñ TuuT gayā dil kā aa.ina
ab kaise muñh dikhā.ūñgā ā.īna-gar ko maiñ
un kī nazar ḳhudā na kare munfa.il ho 'kaif'
dekhūñ na kaash jazba-e-ġham ke asar ko maiñ