mujh ko lenā hai tire rañg-e-hinā kā bosa
dast-e-rañgīñ kā mile yā kaf-e-pā kā bosa
rañg uḌ jaa.e jo minqār-e-anā dil chhū le
hai garāñ gul ko lab-e-mauj-e-sabā kā bosa
chūmtā haath maiñ saaqī ke adab maane thā
le liyā jām-e-mai-e-hosh-rubā kā bosa
bijlī har lahar se paidā ho tire kūche meñ
le mirā har nafas-e-garm havā kā bosa
maiñ vo sāġhar nahīñ aa.e kabhī lab tak jo 'riyāz'
kis ko miltā hai tire rañg-e-hinā kā bosa