Haidar Ali Aatish

shohra-e-afaq mujh sa kaun sa diwana hai

Haidar Ali Aatish

Faizabad, Uttar pradesh, India

1778-1847

shohra-e-āfāq mujh kaun dīvāna hai

hind meñ maiñ huuñ paristāñ meñ mirā afsāna hai

said-gāh-e-murġh-e-dil ruḳhsāra-e-jānāna hai

dām-e-zulf-e-ambarīñ hai ḳhāl-e-mushkīñ daana hai

husn se rutba hai apne ishq-e-kāmil buland

āstāna par parī hai baam par dīvāna hai

is meñ rahtā hai safā-e-rū-e-jānāñ ḳhayāl

dil nahīñ pahlū meñ apne ā.īna ḳhāna hai

bechtā huuñ dil ko jo mahbūb chāhe mol le

bosa qīmat hai tavajjoh nazar bai.āna hai

phūTeñ vo āñkheñ nigāh-e-bad se jo dekheñ tujhe

ātishīñ ruḳhsār mijmar ḳhaal kaalā daana hai

roz-o-shab us sham.a-rū ko bhejtā huuñ ḳhatt-e-shauq

nāma-bar din ko kabūtar raat ko parvāna hai

ḳhaar ḳhār-e-dil ġhanīmat jāntā huuñ ishq meñ

zulf-e-dūd-e-āh ārastagī kāshāna hai

sharh likkhā chāhiye us bayāz-e-sub.h par

matla-e-ḳhurshīd bait-e-abrū-e-jānāna hai

hālat-e-ā.īna rakhtā hai safā se dil mirā

āshnā se āshnā begāna se begāna hai

qatl se mujh saḳht-jāñ ke munkir ai qātil na ho

hujjat-e-qāte tirī talvār dandāna hai

vāste har shai ke duniyā meñ muqarrar haiñ mahal

shahr meñ jab tak hai majnūñ ganj-e-be-vīrānā hai

bāġh-e-ālam meñ nahīñ us shoḳh koī hasīñ

gul hai apnā yaar yūsuf sabza-e-begāna hai

ab nahīñ ai yaar jauban ko tire bīm-e-zavāl

ḳhatt-e-mushkīñ husn jāgīr parvāna hai

haal hai jis usī ke vāste hai ḳhushnumā

naqs hai talvār vasf arrā dandāna hai

yaar khīñche teġh tere qatl karne ke liye

sar jhukā 'ātish' ye jā-e-sajda-e-shukrāna hai

Top Urdushayar.com