Haidar Ali Aatish

koi ishq mein mujhse afzun na nikla

Haidar Ali Aatish

Faizabad, Uttar pradesh, India

1778-1847

koī ishq meñ mujh se afzūñ na niklā

kabhī sāmne ho ke majnūñ na niklā

baḌā shor sunte the pahlū meñ dil

jo chīrā to ik qatra-e-ḳhūñ na niklā

bajā kahte aa.e haiñ hech us ko shā.er

kamar koī ham se mazmūñ na niklā

huā kaun roz-e-raushan na kaalā

kab afsāna-e-zulf-e-shabgūñ na niklā

pahuñchtā use misra-e-tāza-o-tar

qad-e-yār sarv-e-mauzūñ na niklā

rahā sāl-hā-sāl jañgal meñ 'ātish'

mire sāmne bed-e-majnūñ na niklā

Top Urdushayar.com