is raaz ke bātin tak pahuñchā hī nahīñ koī

kyuuñ lauT ke ghar apne aayā hī nahīñ koī

ab shahr kī ḳhāmoshī vīrāne se miltī hai

āvāz lagā.ī to bolā hī nahīñ koī

har roz dikhā.ī deñ sab log vahīñ lekin

jab DhūñDne nikleñ to miltā hī nahīñ koī

hone se ki jin ke thā bastī kā bharam qaa.em

atrāf meñ shahroñ ke sahrā hī nahīñ koī

thak-hār ke aa baiThe us peḌ-tale āḳhir

jis peḌ-tale 'farruḳh' saayā hī nahīñ koī