aish ke jalse hujūm ālām ke

shobade haiñ gardish-e-ayyām ke

himmat-e-mardāna tujh ko āfrīñ

kar ke chhoḌā sar hue jis kaam ke

sub.h ke bhūle to aa.e shaam ko

dekhiye kab aa.eñ bhūle shaam ke

tū hī kar taklīf o paik-e-sabā

muntazir haiñ vo mire paiġhām ke

hāshā lillāh mai-kade ke kaase leñ

mo'taqid huuñ zāhid-e-ullām ke

miT ga.ī hai dil se āzādī kī yaad

kitne ḳhūgar ho ga.e ham daam ke

ab to charche jā-ba-jā hone lage

vā.izoñ kī bāñg-e-be-hañgām ke