Noshi Gilani

ishq karo to ye bhi socho arz-e-sawal se pahle

Noshi Gilani

Pakistan

1964

ishq karo to ye bhī socho arz-e-savāl se pahle

hijr puurī raat aatī hai sub.h-e-visāl se pahle

dil kyā hai dil ne kitne manzar dekhe lekin

āñkheñ pāgal ho jaatī haiñ ek ḳhayāl se pahle

kis ne ret uḌaa.ī shab meñ āñkheñ khol ke rakkhīñ

koī misāl to honā us misāl se pahle

kār-e-mohabbat ek safar hai is meñ aa jaatā hai

ek zavāl-āsār rasta bāb-e-kamāl se pahle

ishq meñ resham jaise vādoñ aur ḳhvāboñ rasta

jitnā mumkin ho tai kar leñ gard-e-malāl se pahle

Top Urdushayar.com