hamāre dil kā na dar khaTkhaTā pareshānī
hazār ġham haiñ yahāñ lauT jā pareshānī
maiñ apne aap se uljhī huī huuñ muddat se
mazīd aa ke na uljhan baḌhā pareshānī
kisī bhī taur na ḳhātir meñ lā.ūñgī tujh ko
mujhe na apne ye tevar dikhā pareshānī
maiñ apnā dard sunā aa.ī huuñ daraḳhtoñ ko
mujhī ko kyuuñ rahe lāhaq sadā pareshānī
ajab savār hai vahshat so mujh se bach ke guzar
maiñ noch Dālūñgī chehrā tirā pareshānī