sakī aaj pyālā anañd kā pilā munj
va yāqūt adhrāñ kī mastī dilā munj
mahal diste haiñ nuur ke at safā suuñ
sakī lyā sajan kuuñ manā kar bulā munj
gagan se tabaq motiyāñ suuñ bharī huuñ
piyā aartī tā.īñ piyo kuuñ hilā munj
tire neh bin jīvnā munj na bhāve
masīhā naman aap dam suuñ jilā munj
adhar tere bin munj na bhāveñ aqīqāñ
badan tere bin niiñ hai nekā talā munj
tire husn bin haur munj nain meñ kad
na aave ki hai is setīñ ibtilā munj
nabī sadqe 'qubtā' alī mehr sete
bañdhā dil kahīñ niiñ unan bin valā munj