aalam se fuzūñ terā aalam nazar aatā hai
har husn muqābil meñ kuchh kam nazar aatā hai
chamkā hai muqaddar kyā is tīra-nasībī kā
sūraj bhī shab-e-ġham kā parcham nazar aatā hai
hai terī tamannā kā bas ek bharam qaa.em
ab varna mire dil meñ kyā dam nazar aatā hai
tanhā nahīñ rah paatā sahrā meñ bhī dīvāna
jab ḳhaak uḌātā hai aalam nazar aatā hai
ai 'zeb' mujhe terī taḳh.īl kī maujoñ meñ
hushyārī o mastī kā sañgam nazar aatā hai