Zeb Ghauri

sitamgaron ka tariq-e-jafa nahin jata

Zeb Ghauri

Kanpur, Uttar pradesh, India

1928-1985

sitamgaroñ tarīq-e-jafā nahīñ jaatā

ki qatl karnā ho jis ko kahā nahīñ jaatā

ye kam hai kyā ki mire paas baiThā rahtā hai

vo jab talak mire dil ko dukhā nahīñ jaatā

tumheñ to shahr ke ādāb tak nahīñ aate

ziyāda kuchh yahāñ pūchhā-guchhā nahīñ jaatā

baḌe azaab meñ huuñ mujh ko jaan bhī hai aziiz

sitam ko dekh ke chup bhī rahā nahīñ jaatā

bharam sarāb-e-tamannā kyā khulā mujh par

ab ek gaam bhī mujh se chalā nahīñ jaatā

ajiib log haiñ dil meñ ḳhudā se munkir haiñ

magar zabān se zikr-e-ḳhudā nahīñ jaatā

uḌā ke ḳhaak bahut maiñ ne dekh ai 'zeb'

vahāñ talak to koī rāsta nahīñ jaatā

Top Urdushayar.com