office meñ bhī ghar ko khulā paatā huuñ maiñ
Table par sar rakh kar so jaatā huuñ maiñ
galī galī maiñ apne aap ko DhūñDtā huuñ
ik ik khiḌkī meñ us ko paatā huuñ maiñ
apne sab kapḌe us ko de aatā huuñ
us kā nañgā jism uThā laatā huuñ maiñ
bas ke nīche koī nahīñ aatā phir bhī
bas meñ baiTh ke behad ghabrātā huuñ maiñ
marnā hai to saath saath hī chalte haiñ
Thahar zarā ghar jā ke abhī aatā huuñ maiñ
gaaḌī aatī hai lekin aatī hī nahīñ
rail kī paTrī dekh ke thak jaatā huuñ maiñ
'alvī' pyāre sach sach kahnā kyā ab bhī
usī ko rotā dekh ke yaad aatā huuñ maiñ