hai rañg-e-hinā jin meñ vahī haath dikhā de
hasrat hai ki phir dil meñ koī aag lagā de
yaktā.ī kā da.avā to bahut kuchh hai mirī jaan
kyā ho jo koī aa.ina mahfil meñ dikhā de
sabze kī tarah so ga.e vo sehn-e-chaman meñ
be-samjhe chaTak kar koī ġhuncha na jagā de
ḳhat paḌh ke na tham dam mirā ruk jaatā hai qāsid
jo jo marī taqdīr kā likkhā hai sunā de
hañs dete haiñ muñh pher ke vo mere sirhāne
jab log ye kahte haiñ ḳhudā is ko shifā de