thī chaal hashr meñ bhī qayāmat huzūr kī
sach pūchhiye to jheñp ga.ī aañkh huur kī
sach hai ki rāz-e-vasl chhupānā nahīñ hai sahl
maiñ kyā kahūñ jo kahtī hai chitvan huzūr kī
jaane se dil ke kyuuñ na ho vīrān bazm-e-aish
shab bhar isī se rahtī thī bāteñ huzūr kī
ġhash aaj aa gayā hai ḳhudā jaane kal ho kyā
muusā ab aur sair karo koh-e-tūr kī
jannat meñ pūchhte hue 'jāved' ham chale
dūkān kis taraf hai sharāb-e-tahūr kī