kal to tire ḳhvāboñ ne mujh par yuuñ arzānī kī
saarī hasrat nikal ga.ī mirī tan-āsānī kī
paḌā huā huuñ shaam se maiñ usī bāġh-e-tāza meñ
mujh meñ shāḳh nikal aa.ī hai raat kī raanī kī
is chaupāl ke paas ik būḌhā bargad hotā thā
ek alāmat gum hai yahāñ se mirī kahānī kī
tum ne kuchh paḌh kar phūñkā miTTī ke pyāle meñ
yā miTTī meñ guñdhī huī tāsīr hai paanī kī
kyā batlā.ūñ tum ko tum tak arz guzārne meñ
dil ne apne aap se kitnī khīñchā-tānī kī