ab masīhā tire aane ke bahāne nikle
dil ke goshe meñ ka.ī zaḳhm purāne nikle
suukh jaane ke haiñ dariyāoñ ke imkān bahut
barf ke phuul khile dhuup ke daane nikle
dekhnā kitne hī sailāb umañD ā.eñge
aañkh meñ ashk liye TuuTe gharāne nikle
shaam hote hī jo dahlīz pe aahaT sī huī
mere āñgan se ka.ī ḳhvāb suhāne nikle
phir vahī ḳhat vahī sūkhe hue phūlo ke varaq
Diary jab bhī khulī milte zamāne nikle