farq jab tak añdheroñ ujāloñ meñ thā

tum javāboñ meñ the maiñ savāloñ meñ thā

ik ġhazal kyā kahī maiñ ne tere liye

tazkira us kā kitne risāloñ meñ thā

mere chehre pe raunaq thī lab pe hañsī

in dinoñ jab zamāna zavāloñ meñ thā

aarzū us kī mere hī dil meñ na thī

maiñ bhī bachpan se us ke ḳhayāloñ meñ thā

machhliyāñ pyaas se muztarib thiiñ 'asad'

ban ke kaalī ghaTā abr bāloñ meñ thā