Imran Shanawar

sitare sab mere mahtab mere

Imran Shanawar

Bahawalpur, Punjab, Pakistan

1983

sitāre sab mire mahtāb mere

abhī mat TūTnā ai ḳhvāb mere

abhī uḌnā hai mujh ko āsmāñ tak

hue jaate haiñ par betāb mere

maiñ thak kar gir gayā TuuTā nahīñ huuñ

bahut mazbūt haiñ a.asāb mere

tire aane pe bhī bād-e-bahārī

gulistāñ kyuuñ nahīñ shādāb mere

bahut shaad rahtā thā maiñ jin meñ

vo lamhe ho ga.e nāyāb mere

abhī āñkhoñ meñ tuġhyānī nahīñ hai

abhī aa.e nahīñ sailāb mere

samundar meñ huā tūfān barpā

safīne aa.e zer-e-āb mere

ab ke bhī nahīñ Duubā 'shanāvar'

bahut hairān haiñ ahbāb mere

Top Urdushayar.com