bas ham ne saath tirā har duā meñ māñgā hai

ki apnī jaañ se ziyāda tujhī ko chāhā hai

zamāne bhar ke bahut log tum ne dekhe haiñ

hamāre jaisā kahīñ koī tum ne dekhā hai

añdherī raat ke ai chāñd tū batā mujh ko

mirī tarah vo kabhī tere saath jaagā hai

har ek dard rihā ho gayā mire dil se

ki maiñ ne jab bhī tirā hañstā chehra dekhā hai

tumhāre aage sitāre nazāre kuchh bhī nahīñ

tumhāre aage har ik rañg phīkā phīkā hai