dil meñ apne nahīñ koī juz-yār

laisa-fiddār-e-ġhairahū dayyār

kufr o diiñ se nahīñ kuchh aap ko bahs

sar-e-tasbīh o gardan-e-zunnār

dāġh-e-ashk āstīñ se uḌte haiñ

muft jaatī hai haath se ye bahār

ham vo āfat-e-talab haiñ hai jin ko

zaḳhm-e-shamshīr marham-e-zañgār

yaad meñ kis kī raat royā huuñ

ġharq-e-ḳhūñ hai hanūz jeb-o-kanār

aah kyā kiije zulf o ruḳh us kā

chit chaḌhā hī rahe hai lail o nahār

nāsehā tark kiije kis kis kā

jīte-jī ko to sab kuchh hai darkār

ishq-bāzī ko kyā karegā tū

go ki chhoḌā maiñ ik sharāb o qimār

ham ne dekhā hai dāġh-e-dil 'qā.em'

vaqinā rabbanā azābannār