zamāne ko zamāne kī paḌī hai
hameñ va.ada nibhāne kī paḌī hai
ye duniyā chāñd par pahuñchī huī hai
tujhe lahore jaane kī paḌī hai
zarā dekho idhar maiñ jal rahā huuñ
tumheñ aañsū chhupāne kī paḌī hai
fasāna hī haqīqat ban gayā hai
haqīqat ko fasāne kī paḌī hai
abhī jo sher likkhā bhī nahīñ hai
abhī se vo sunāne kī paḌī hai
tire mehmān vāpas jā rahe haiñ
tujhe mehmān-ḳhāne kī paḌī hai
vo tere dil meñ aa baiThā hai 'momin'
tujhe dīvār Dhāne kī paḌī hai