Ashfaq Amir

laga ho dil to KHayalat kab badalte hain

Ashfaq Amir

lagā ho dil to ḳhayālāt kab badalte haiñ

ye inqalāb to ik be-dilī meñ palte haiñ

nikal chuke haiñ bahut duur qāfile vaale

hameñ ḳhabar nahīñ ham kis ke saath chalte haiñ

kabhī hameñ bhī milāo to aise logoñ se

ki jin aañkh meñ ab tak charāġh jalte haiñ

ye raat aisī havā.eñ kahāñ se laatī hai

ki ḳhvāb phūlte haiñ aur zaḳhm phalte haiñ

rutoñ ne apne qarīne badal liye lekin

hamāre taur vahī haiñ nahīñ badalte haiñ

ab e'tibār pe chāhtā to hai lekin

purāne ḳhauf diloñ se kahāñ nikalte haiñ

Top Urdushayar.com