Jawad Sheikh

usne koi to dam paDha hua hai

Jawad Sheikh

Sargodha, Punjab, Pakistan

1985

us ne koī to dam paḌhā huā hai

jis ne dekhā vo mubtalā huā hai

ab tire rāste se bach niklūñ

ik yahī rāsta bachā huā hai

aao taqrīb-e-rū-numā.ī kareñ

paañv meñ ek aabla huā hai

phir vahī bahs chheḌ dete ho

itnī mushkil se rābta huā hai

raat vārdāt mat pūchho

vāqa.ī ek vāqi.a huā hai

lag rahā hai ye narm lahje se

phir tujhe koī mas.ala huā hai

maiñ kahāñ aur vo fasīl kahāñ

fāsle faisla huā hai

itnā masrūf ho gayā huuñ ki bas

'mīr' bhī ik taraf paḌā huā hai

aaj kuchh bhī nahīñ huā 'javvād'

haañ magar ek sāneha huā hai

Top Urdushayar.com