vo jā chuke haiñ magar ḳhalfashār baaqī hai
jo intizār thā vo intizār baaqī hai
bas itnī baat mire shahr-e-yār baaqī hai
ki nashsha TuuT chukā hai ḳhumār baaqī hai
junūñ kī lamha shigāfī se sadiyāñ phuuT paḌīñ
ab un kā ek nayā iḳhtisār baaqī hai
ajab haiñ khel mohabbat kī be-niyāzī ke
ki aag bujh bhī chukī hai sharār baaqī hai
ham apnā lamha-e-hastī abad banā laa.e
na.e azal kā magar intizār baaqī hai