Tags-Aagahi

nahīñ kisī kī tavajjoh ḳhud-āgahī kī taraf
koī kisī kī taraf hai koī kisī kī taraf

maiñ āgahī ke is bhayānak daur se guzar rahī huuñ
jahāñ tamām lafz khokhle

ḳhud sukūn-e-āgahī ne ruuh ko taskīn dī
ham bichhaḌ kar jab ġhubār-e-kārvāñ tak aa ga.e

burā ho āgahī kā ziist varna
guzar jaatī burī thī yā bhalī thī

ye kahiye zauq-e-junūñ kaam aa gayā 'tābāñ'
nahīñ to rasm-o-rah-e-āgahī ne maarā thā

ye sher-goī vo ḳhud-farāmosh kaifiyat hai jahāñ ḳhudī kā guzar nahīñ hai
ḳhudī kī bāz-āvarī se pahle jo be-ḳhudī kī ḳhud-āgahī hai vo shā.irī hai

tere phal-phūl dahkī huī āgahī
āgahī se numū aur numū se ḳhudī

ai mire āgahī ke payambar
maiñ tujhe kaun se harf kī nazr duuñ

ba.īd-az-qayās
mā-varā-e-fikr-o-āgahī

ye bazm-e-shab hai yahāñ ilm-o-āgahī kam hai
ka.ī charāġh jale phir bhī raushnī kam hai

kahāñ ke ishq-o-mohabbat kahāñ ke ilm-o-hunar
ḳhumār-e-shauq ziyāda hai āgahī kam hai

ye jal-bujhegā isī zo.am-e-āgahī ke sabab
diye ko aur na bāb-e-ḳhabar meñ rakkhā jaa.e

paayā thā rāh-e-shauq meñ jo karb-e-āgahī
is karb-e-āgahī ko sulā dene ā.ūñgā

āgahī se milī hai tanhā.ī
aa mirī jaan mujh ko dhokā de

'ajmal' vo nīm-shab kī duā.eñ kahāñ ga.iiñ
ik shor-e-āgahī hai bikhartā huā sā maiñ

rahravān-e-dānish kī zindagī batātī hai
kaam kin manāzil meñ āgahī nahīñ aa.ī

tā-kujā ai āgahī rañg-e-tamāshā bāḳhtan
chashm-e-vā-gardīda āġhosh-e-vidā-e-jalva hai

ḳhud-āgahī bhī khaḌī māñgtī hai apnā hisāb
junūñ ke qarz bhī ab tak adā nahīñ hue haiñ

junūñ se khelte haiñ āgahī se khelte haiñ
yahāñ to ahl-e-suḳhan aadmī se khelte haiñ

zahrāb ban chukā hai ye ehsās-e-āgahī
ab kis ko baḳht dard kā darmāñ banā.eñ ham